Accessibility links

Fərid Axundov Beynəlxalq Bankın sədri olub


Fərid Axundov
Fərid Axundov

Fərid Axundov Azərbaycan Beynəlxalq Bankının yeni sədri təyin edilib. O, bu postda ötən həftə “səhhətilə əlaqədar” istefa verən Cahangir Hacıyevi əvəz edib.

F.Axundovun indiyədək rəhbərlik etdiyi PASHA Bank-da onun Azərbaycan Beynəlxalq Banka sədr təyin olunması barədə məlumatı təsdiqləyiblər.

44 yaşlı F.Axundov Azərbaycan Xalq Təsərrüfatı İnstitutunun (indiki İqtisad Universiteti) məzunudur. 1995-ci ildə Salford Universitetinin (Mançester, Böyük Britaniya) magistr dərəcəsi alıb.

1996-2003-cü illərdə British Bank of the Middle East Bakı şöbəsində rəhbər vəzifələrdə çalışıb.

2005-ci ilədək “Bank Standard” QSC-nin Direktorlar Şurasının sədri olub.

2005-07-ci illərdə “FTF” MMC-nin baş direktoru olub.

2007-ci ildən hakim ailəyə bağlı PASHA holdinqin idarəçiliyinə daxil olan PASHA bank investisiya bankının İdarə Heyətinin sədri olub.

XS
SM
MD
LG