Accessibility links

Beynəlxalq Fəza Stansiyasında iki amerikalı astronavt iki saat açıq fəzada qalaraq 1 həftə ərzində 3-cü belə missiyanı başa vurub.

ABŞ fəza agentliyi bildirir ki, Terri Virts və Baç Vilmor yeni nəsil fəza gəmisinin fəza stansiyasına birləşdirilməsi üçün mühüm olan missiyanı sona çatdırıblar. Onlar 244 metr uzunluğunda enerji və data xəttini quraşdırmağa müvəffəq olub.

Fəza gəzintisindən sonra Virts əvvəlki gəzintidə olduğu kimi bu dəfə də cüzi miqdarda suyun kaskasının içərisinə dolduğu barədə məlumat verib. "Böyük bir şey deyil" - deyə o, bildirib.

NASA 2017-ci ilədək astronavtların daşınması mümkün olan fəza gəmisi hazırlanması üçün Boeing və SpaceX şirkətlərilə müqavilə bağlayıb. Yeni qurğuların bu il fəzaya göndərilməsi planlaşdırılır.

XS
SM
MD
LG