ABŞ-ın biznes jurnalı Forbes ikinci ildir ki, Rusiya prezidenti Vladimir Putini dünyanın ən nüfuzlu şəxsi elan edir.
Jurnalın bildirdiyinə görə, Rusiya lideri ABŞ prezidenti Barak Obama, Çin prezidenti Tsi Cinpinq, Roma papası Fransis və Almaniya kansleri Angela Merkelin daxil edildiyi beşlikdə ön sırada yer alır.
Forbes Putinin Krımın ilhaqı və Ukrayna münaqişəsinə müdaxilə etməklə, rusiyapərəst separatistləri təmin etdiyi raketlə sərnişin təyyarəsinin vurulmasına görə secildiyini bildirir.
Jurnal yazır ki, “neft və qazla zəngin bir ölkənin rəhbərini heç kim gözlənilməz, müzakirəedilməz və izahedilməz əməlləri ilə zəif adlandıra bilməz”.
