Accessibility links

Birləşmiş Ştatların Texas ştatındakı Fort Hood hərbi bazasının əsgəri özünü öldürməmişdən əvvəl 3 əsgəri öldürmüş, 16 əsgəri isə yaralamışdır. Rəsmilərin dediyinə görə, silahlı əsgər əvvəlcə bazadakı binalardan birinə girərək, xəbərdarlıq etmədən atəş açmış, bundan sonra isə ikinci binaya girərək atəş açmışdır.
Fort Hood hərbi bazasının general-leytenantı Mark Milley əsgərin ikinci binada qadın polis zabitini görüncə əllərini yuxarı qaldırdığını və bundan sonra gödəkçəsində gizlətdiyi silahı çıxararaq özünü vurduğunu deyib.

Hadisədən sonra bazanın bir neçə saat bağlandığı və hərbi polisin bazada və ətraflarında ciddi yoxlanış apardığı bildirilir.

Fort Hood hərbi bazasında 2009-cu ildə də silahlı hücum olmuş, nəticədə 13 nəfər ölmüş, 30-dan çox insan yaralanmışdı.
XS
SM
MD
LG