Əfqanıstanda hücumlar qadın və uşaqların ölümünə səbəb olub

Əfqan rəsmilərinin bildirdiyinə görə, xəstəxanada bomba partlayışı və polis postuna hücum cəhdi qadın və uşaqların ölümünə səbəb olub. Əfqanıstanın Daxili İşlər Nazirliyi Uruzqan vilayətində yaraqlıların 8 yaşlı bir qıza bağlama verib, polisə çatdırmasını istədiyini bildirib. Bağlamadakı bomba işə düşüb, qız həlak olub.Əzra vilayətində xəstəxanada kamikadze hücumu 38 adamın ölümünə yol açıb. 50-dən çox adam yaralanıb.