Fransa Suriyada İslam Dövlətinə qarşı ilk dəfə havadan hücumlar həyata keçirib. Hücumlar iki həftəlik kəşfiyyat uçuşlarından sonra müəyyən edilən mövqeləri hədəf alıb.
Fransanın baş naziri Manuel Vallsın dediyinə görə, ölkəsi Fransaya qarşı hücumlar üçün təlimlərdən keçənləri hədəf alıb.
Fransa prezidenti Fransua Olland administrasiyası hücumların ABŞ-ın başçılıq etdiyi koalisiya qüvvələri ilə koordinasiyalı şəkildə həyata keçirildiyini bildirib.
Administrasiyanın bəyanatında deyilir ki, Fransa terror təhlükəsi ilə mübarizə səylərinə sadiq qaldığını nümayiş etdirir.
