Fransanın baş naziri Manuel Valls bildirib ki, Fransa İslam ekstremizmi ilə mübarizə üçün qarşıdan gələn üç il ərzində təhlükəsizlik orqanlarında yeni 2680 iş yeri açacaq.
Cənab Valls yeni qərarı kabinet toplantısı zamanı elan verdi. O, Parisin 500 miliyon dollar terrorizmlə mübarizəyə büdcə ayıracağını deyib.
Müstəntiqlər supermarketdə dörd nəfərin ölümü ilə nəticələnən hadisə ilə bağlı dörd nəfəri saxlayıb.
İttihamçılar saxlanılan şəxslərin Amedi Koulibali ilə əlaqələri olduğunu bildirib. Koulibali yanvarın 9-u yəhudilərə məxsus supermarketdə girov götürdüyü dörd nəfəri və bir gün əvvəl isə bir qadın polis işçisi öldürmüşdü.
Bu şəxslərin Koulibaliyə kömək etdiyinə inanılır. Koulibali hadisə zamanı polis tərəfindən öldürülmüşdü.
Supermarketdə baş verən hadisənin yanvarın 7-də 12 nəfərin ölümü ilə nəticələnən Charlie Hebdo satirik jurnalına qarşı terror hücumunun bir hissəsi olduğu deyilir.
