İnsan hüquqları təşkilatı “Freedom House” dünyada siyasi və vətəndaş azadlığına dair illik hesabatını açıqlayıb. Hesabatda 2010-cu ildə dünyanın 25 ölkəsində ciddi geriləmə, 11 ölkədə isə nəzərəçarpacaq irəliləyiş müşahidə edildiyi bildirilir. Azad ölkələr siyahısında yer alan 89 ölkədən ikisi statusunu itirib. 2005-ci ildə elektoral demokratiya 123 idisə, bu il bu göstərici 115-ə enib. Hesabatda Çin, Rusiya, Misir, İran və Venesuela kimi ölkələrdə repressiv ölçülərin gücləndiyi və demokratik dünyanın buna müqavimət göstərmədiyi deyilir. Ukrayna və Meksika daxil olmaqla, dünyanın 4 ölkəsində demokratik geriləmə qeydə alınıb.
Sənəddə Azərbaycan, Əfqanıstan, Belarus, İran, İraq, Qazaxıstan, Rusiya, Tacikistan, Türkmənistan, Özbəkistan qeyri-azad ölkələr kimi dəyərləndirilib. Ermənistan, Gürcüstan, Qırğızıstan, Moldova, Ukrayna qismən azad ölkələr sırasındadır.
“Freedom House” təşkilatı 1972-ci ildən müntəzəm şəkildə hər il dünyada azadlığın vəziyyətinə dair hesabat hazırlayır. Təşkilat dəyərləndirmələrini 4-azad,qismən azad və qeyri-azad ölkələr kateqoriyaları üzrə aparır.