NASA fəza gəmisi son beş ildə ilk dəfə olaraq yenidən kometin 200 kilometrliyinə yaxınlaşıb.
Stardust fəza gəmisi dünən Tempel-1 kometinin 72 şəklini çəkib. Alimlər bu şəkilləri 2005-ci ildə çəkilmiş şəkillərlə müqayisə edəcəklər. Həmin vaxt NASA probu kometin tərkibini öyrənməyə çalışırdı. Həmin missiyadan bəri Tempel-1 artıq bir dəfə günəş ətrafında orbit edib və NASA bu vaxt ərzində kometin səthində dəyişikliklərin baş verib-vermədiyini müəyyənləşdirməyə çalışır.
NASA alimləri deyirlər ki, kometlərdə aşkar olunan maddələr milyardlarla il bundan öncə planetlərin formalaşması haqda qiymətli məlumatlar açıqlayır.