Accessibility links

Alman polisi bomba hücumu planlaşdırılmasına dair kəşfiyyat məlumatı əldə edəndən sonra suriyalı bir şəxsin axtarışına başlayıb. Polis Çemnitz şəhərində 22 yaşlı Caber Əlbəkrin axtarışlarımı davam etdirərkən evlərin birində reyd zamanı partlayıcı maddələr tapandan sonra 3 nəfəri saxlayıb. Bu barədə məlumatı Saksoniya polis idarəsinin sözçüsü Tom Bernhard verib.

Polis şübhəlinin tapılmasına kömək edəcəyi ümidləri ilə həmin 3 şəxsi sorğu-sual edir.

Almaniyada axtarışda olan terror şübhəlisi

Almaniyada axtarışda olan terror şübhəlisi

"Biz şübhəlinin təhlükəli olduğunu düşünürük" - deyə Bernhard bildirib.

Rəsmilər Əlbəkrin nə qədər müddətdir Almaniyada olduğunu deməyib. Bernhardın sözlərinə görə, onun Almaniyaya qəbul edilən 1 milyon qaçqın arasında olub-olmadığıda bəlli deyil.

Polisin ictimaiyyətə çağırışda Əlbəkri görənlərdən bu barədə polisi məlumatlandırması xahiş edilib. Son dəfə o, Çemnitzdə qara gödəkcədə görülüb.

"Axtarış tədbirləri davam edir. Buna baxmayaraq hazırda biz onun harada olmasını və özü ilə nələr götürdüyünü bilmirik".

"Axtarış tədbirləri davam edir. Buna baxmayaraq hazırda biz onun harada olmasını və özü ilə nələr götürdüyünü bilmirik" - deyə Saksoniya polis idarəsinin Twitter hesabından yayılan mesajda deyilir.

Bu yay Almaniyada bir neçə hücum törədəlib. İyul ayında baş vermiş hücumların məsuliyyətini İŞİD terror qruplaşması öz üzərinə götürdüyünü iddia etmişdi.

XS
SM
MD
LG