Accessibility links

Elm

Google dron şirkəti alır [Video]


Öz-özünü idarə edən avtomobil düzəltmək təcrübəsi ilə yanaşı Google günəş enerjisi ilə çalışan hava şarları və dronlar kimi uzun vaxt səmada qala bilən insansız hava nəqliyyatı istehsal etməyə nail olub.

İnternet nəhənginin məqsədi, dünyanın ucqar ərazilərinə internet çıxışını gətirmək və beləliklə ətraf-mühitə zərərlərə və ya fəlakətlərin qarşısını almağa kömək etməkdir. Bununla yanaşı atmosfer peykləri Google Yer Kürəsi xidməti üçün yüksək keyfiyyətli şəkillərlə təmin edə bilər.

Google-un yeni nailiyyəti Nyu-Meksikoda yerləşən 20 işçidən ibarət Titan Aerospace şirkəti, günəş enerjisi ilə işləyən Solara dronunun böyük versiyasını istehsal etməyi planlaşdırır.

Şirkətin icraçı texniki direktoru Maksimus Yaney deyir ki, yeni cihaz peyk qədər effektiv və ümumi dəyəri peykin yüzdə biri qədər olacaq.

"Biz bu kimi xidmətlərə alternativ gətirmək və peyk platformasının imkanlarını genişlətmək kimi perspektiv üzərində diqqətimizi cəmləşdiririk", deyə Maksimus Yaney bildirir.

O deyir ki, yeni dron Solara 50 yer səthindən 20 kilometr yüksəkliyə uça biləcək və 420 kilometr radiusda ərazini internet siqnalı ilə təmin edərək 5 il səmada qala biləcək.

Maksimus Yaney: Günəş enerjisi ilə işləməsi səmada istənilən müddət qədər qalmağa imkan yaradır. sadəcə problem yenidən dolan batareyaların məhdud olmasıdır.

Digər texnologiya şirkətləri da dronlarla maraqlanırlar. Bu ilin əvvəllərində internet nəhəngi Feysbuk Britaniya dron şirkəti Ascentranı alıb. Amazon şirkəti isə bağlamaları dronlar vasitəsi ilə çatdırmağı təcrübədən keçirir.
XS
SM
MD
LG