Accessibility links

Google-un Amerika seçiciləri üçün sevindirici xəbəri var. İspanca “registrarse para votar” və ya ”səsvermə qeydiyyatı” kəlmələri ABŞ prezidentliyinə demokrat namizəd Hillari Klinton üçün nailiyyətli olub.

Belə ki, təkcə ötən həftə ərzində qeydiyyatdan keçənlərin sayı 2200 faiz artıb. İngilis dili səhifəsində isə bu göstərici 430 faiz təşkil edib.

ABŞ-ın ispandilli əhalisinin əksəriyyətinin Klintona səs verəcəyi gözlənilir.

Wall Street Journal, NBC News və Telemundo fondunun keçirdyi son rəy sorğuları Klintonun rəqibi Donald Trampdan 48 xal irəlidə olduğunu göstərib. Bu, Amerikanın ən böyük azlığının 65 faizinin demokratları dəstəklədiyi deməkdir.

2012-ci ildə ispandillilərin cəmi 27 faizi respublikaçı Mitt Romniyə səs vermişdi.

Washington Post-un yazdığına görə, “registrarse para votar” bazar ertəsi namizədlərin debatları zaman üçüncü ən çox axtarılan sayt olub. Google axtarışların çoxunun Florida ştatından edildiyini bildirib.

Google axtarış xidməti əsasən ispandillər olmaqla, amerikalıları seçki qeydiyyatından keçməyə təşviq edir.

XS
SM
MD
LG