Accessibility links

GUAM xarici işlər nazirləri görüşüb


GUAM xarici işlər nazirlərinin görüşü

GUAM xarici işlər nazirlərinin görüşü

Serbiyanın paytaxtı Belqradda ATƏT Nazirlər Şurasının 22-ci toplantısı çərçivəsində Demokratiya və İqtisadi İnkişaf naminə Təşkilat - GUAM-a üzv dövlətlərin Xarici İşlər Nazirləri Şurasının 26-cı görüşü olub.

Azərbaycan Xarici İşlər Nazirliyinin mətbuat xidmətinin məlumatına görə, görüşdə BMT Baş Məclisinin “GUAM ərazisində həlli uzadılmış münaqişələr və onların beynəlxalq sülh, təhlükəsizlik və inkişafa təsiri” adlı qətnaməsinin mətn layihəsi barədə müzakirələr aparılıb.

Həmçinin görüş çərçivəsində GUAM-Yaponiya Əməkdaşlıq Proqramı imzalanıb. Proqramda GUAM-Yaponiya əməkdaşlığının perspektiv inkişafı, Yaponiyanın GUAM regional əməkdaşlığına daha yaxından cəlb olunması, praktik əməkdaşlıq üçün proqram və layihələrin inkişafı və icra edilməsi kimi məsələlər qeyd olunub.

Proqramda, həmçinin BMT Nizamnaməsi, beynəlxalq hüququn hamılıqla qəbul edilmiş prinsip və normaları, xüsusilə dövlətlərin suverenliyi və ərazi bütövlüyünə hörmət çərçivəsində sülh və təhlükəsizliyin qorunması naminə beynəlxalq və regional münasibətlərin cari problemləri üzrə məsləhətləşmələrin keçirilməsi yeni əməkdaşlıq məqsədləri kimi təsbit olunub.

XS
SM
MD
LG