ABŞ paytaxtı Vaşinqton və ətraf ştatlarda yaşayan bir qrup güneyi fəal İranda etnik Azərbaycan türklərinin hüquqlarının pozulması məsəsinə diqqət çəkmək üçün Ağ Ev qarşısında aksiya keçirib.
Aksiya iştirakçıları İranın Kanal 2 televiziyasında keçən həftə yayınlanan proqramda Azərbaycan türklərinin təhqir olunmasına etiraz bildirərək, azərbaycanlılara qarşı ayrı-seçkiliyə son qoyulmasına çağırıb.
Güneyli fəallar əllərində üzərində "İranda etnik azərbaycanlılara qarşı zülmü qınayın", "Azərbaycanlılara qarşı təqiblərə göz yummayın", "Həbs edilmiş etnik azərbaycanlılara azadlıq" kimi şüarlar yazılmış plakatlar tutublar.