Accessibility links

Yaxın 2-3 gün ərzində anomal hava şəraiti davam edəcək


Azərbaycanda hava qarlı-çovğunludur

Azərbaycanda hava qarlı-çovğunludur

Polis sürücüləri mümkün qədər şəxsi avtomobillərdən istifadə etməməyə və ictimai nəqliyyatdan istifadə etməyi tövsiyə edir

Bakı və Abşeron yarımadasında yaxın 2-3 gün ərzində anomal hava şəraiti davam edəcək.

Ekologiya və Təbii Sərvətlər Nazirliyinin verdiyi məlumata görə, fevralın 5-də Bakıda və Abşeron yarımadasında hava dəyişkən buludlu, gün ərzində əsasən yağmursuz olacaq.
Lakin gecə saatlarında bəzi yerlərdə az qar yağacağı, səhər tədricən kəsiləcəyi gözlənilir. Axşam bəzi yerlərdə zəif duman olacaq.

Mülayim cənub-qərb külyi əsəcək
.
Fevralın 5-də Bakıda və Abşeron yarımadasında havanın temperaturu gecə 4-7 dərəcə şaxta, gündüz 0-3 dərəcə isti təşkil edəcək. Yollar buz bağlayacaq.

Azərbaycan rayonlarında hava gün ərzində əsasən yağmursuz olacaq. Lakin bəzi şərq rayonlarında az qar yağacağı ehtimalı var. Bəzi yerlərdə duman olacaq. Şərq küləyi əsəcək.

Aran rayonlarında gecə 6-11 dərəcə şaxta, gündüz 3 dərəcə şaxtadan 2 dərəcəyədək isti, dağlarda gecə 16-21 dərəcə şaxta, gündüz 5-19 dərəcə şaxta olacaq, yollar buz bağlayacaq.

Eyni zamanda yol polisi sürücüləri və piyadaları qarlı, şaxtalı hava şəraiti ilə əlaqədar ehtiyatlı olmağa çağırır.

Polis sürücüləri mümkün qədər şəxsi avtomobillərdən istifadə etməməyə və ictimai nəqliyyatdan istifadə etməyi tövsiyə edir.
XS
SM
MD
LG