Bakı şəhər Baş Səhiyyə İdarəsinin Şəhər Narkoloji Dispanserinin baş həkimi Hüseyn Həsənov Cinayət Məcəlləsinin 311.1-ci (rüşvət alma) maddəsi ilə ittiham elan olunmaqla barəsində məhkəmənin qərarı ilə həbs qətimkan tədbiri seçilib. O, səhiyyə nazirinin müvafiq əmri ilə tutduğu vəzifədən azad edilib. Bu barədə Baş Prokurorluğun mətbuat xidməti yayıb.
Məlumatda deyilir ki, baş həkim Hüseyn Həsənov 2017-ci ilin yanvar-fevral aylarında ümumilikdə 3190 manat məbləğində rüşvət almaqda şübhəli bilinir.
