Venesuela prezidenti Huqo Çavez xərçəng xəstəliyindən müalicəsinin normal getdiyini deyir. O, bildirib ki, gələn il keçiriləcək prezident seçkilərində iştirak edəcək.
Televiziyada verdiyi müsahibələrdə sinəsini və qarnını döyəcləyən cənab Çavez xəstəlikdən əsasən sağaldığını söyləyib. Bununla belə o, əlavə edib ki, ikinci dəfə kemoterapiya kursundan keçəcək.
Venesuela prezidenti bir həftə Kubada kemopterapiyadan keçdikdən sonra şənbə günü vətənə qayıdıb. Kubada ondan xərçəng şişi çıxarılmışdı. Prezident hansı növ xərçəng xəstəliyindən əziyyət çəkdiyini açıqlamayıb.
