ABŞ-ın İllinoys ştatının rəsmiləri bildirir ki, ştatın şimal bölgəsində böyük tufan güclü tornadoya səbəb olub və nəticədə 1 nəfər ölüb, bir neçə insan isə yaralanıb.
İllinoysun Rokford şəhərinin yanğınsöndürmə idarəsi Çikaqodan 200 kilometr uzaqlıqda yerləşən və 200 nəfər əhalisi olan kiçik Feirdeyl şəhərində bir nəfərin öldüyünü bildirib. Azı 7 nəfər isə aldıqları xəsarətlərə görə xəstəxanaya çatdırılıb.
Ərazidən videolar böyük tufan və tornadonun azı bir maşını aşırtdığını göstərir.
Şəhərdəki evlərin hər birinə zərər dəyib, 15-20 ev isə tamamilə dağılıb.
Rəsmilər dağıntılar altında artıq heç kəsin olmadığına əmin olduqlarını, ancaq hər bir sakinin təhlükəsizliyini təminat altına alaq üçünbu gün işlərinə davam edəcəklərini bildiriblər.
