Accessibility links

İndoneziyanın Bali adasında 202 adamın ölümü ilə nəticələnən bomba hücumlarının 10-cu ildönümü qeyd edilib. Yüzlərlə insanın toplaşdığı mərasim 2000-dən artıq polis və hərbi qulluqçunun ciddi mühafizəsi altında keçirilib. Belə ki, tədbirdən öncə yeni hücum barədə təhdidilər olub. Balinin qubernatoru, sabiq polis rəisi Mangku Pastika hücumun terrorizmlə mübarizə səylərini gücləndirdiyini deyib.

Mərasim iştirakçıları arasında Avstraliyanın baş naziri Culiya Gillar da olub. Mərasimdəki çıxışı zamanı o deyib ki, ölənlər arasında 88 nəfər avstraliyalı olub və hücum Avstraliya xalqının qətiyyətini sındıra bilməyib.

2002-ci ildə Bali adasında iki gecə klubunda həyata keçirilən hücumların məsuliyyətini Əl-Qaidə ilə əlaqəsi olan Cemaa-İslamiyə qrupu daşıyır.
XS
SM
MD
LG