Accessibility links

Bakıda saxta ABŞ dollarının dövriyyəyə buraxılmasının qarşısı alınıb


Dollar

Dollar

Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi Bakı şəhər sakinləri Nahid Nağıyevin və Fəzail Cəlilovun saxta ABŞ dollarını dövriyəyə buraxmasının qarşısını alıb.

Daxili İşlər Nazirliyinin mətbuat xidmətinin məlumatına görə, keçirilən xüsusi əməliyyat nəticəsində hər iki şəxs 10 000 saxta ABŞ dollarını 3 000 dollara satmaq istəyən zaman yaxalanıb.

Saxlanılan şəxslər ifadələri zamanı saxta pul əskinaslarını xarici dövlətlərdən birində əldə etdikdən sonra Azərbaycana gətirdiklərini bildirib.

Ekspert rəyi ilə müəyyən edilib ki, aşkar edilən xarici valyutanın müdafiə nişanları ustalıqla saxtalaşdırılıb və həqiqi pul əskinaslarından çətinliklə seçilir.

Qeyd edilən faktla bağlı cinayət işi başlanıb.

XS
SM
MD
LG