Accessibility links

Ali dini lider bir sıra siyasi, hərbi və mülki cinayətlərə görə amnistiya fərmanı imzalayıb

İranın ali dini lideri ayətullah Əli Xamneyi "Fitr" bayramı (Ramazan bayramı) münasibətilə amnistiya elan edib.
İranın Məhkəmə Sisteminin rəhbəri Sadiq Amoli Laricani "Fitr" bayramı münasibətilə ali liderə məktubla müraciət edib. Müraciətdə bir sıra siyasi, hərbi və mülki cinayətlərə görə amnistiya elan edilməsini istəyib və ali lider bu haqda fərman imzalayıb.
Trend agentliyi İran mediasına istinadən bildirir ki, amnistiya qərarı ilə bir il müddətinə azadlıqdan məhrum edilmiş şəxslər cəzalarının çəkilməmiş hissəsindən azad olunub. Bir ildən beş ilədək müddətə azadlıqdan məhrum edilmiş şəxslərin cəzaları yarıyadək azaldılıb. Beş ildən 15 ilədək müddətə azadlıqdan məhrum edilmiş şəxslərin cəzasının üçdə bir hissəsi bağışlanıb.
Ehtiyatsızlıqdan cinayət törətmiş şəxslər cəzalarının çəkilməmiş hissəsindən azad olunublar. Himayəsində azyaşlı uşaqlar olan məhbus qadınlar cəzalarının çəkilməmiş hissəsindən azad olunub. Sağalmaz və yolxucu xəstəliklərdən əziyyət çəkən məhkumlar da amnistiya qərarı ilə bağışlanıblar.
Pul cəriməsi və azadlıqdan məhrumetmə cəzasına məhkum olunmuş 18 yaşdan aşağı olan yeniyetmələr, yaşı 65-dən çox olan kişi və 50-dən artıq olan qadın məhkumlar da cəzadan azad olunublar.
Borcu ödəmədiyi üçün məhkum olunmuşlar və 6 ay müddətinə azadlıqdan məhrum edilmiş şəxslərə də amnistiya tətbiq olunaraq cəzadan azad ediliblər.
Amnistiya qərarı ilk dəfə cinayət törədərək ömürlük azadlıqdan məhrum edilmiş şəxslərə də şamil edilib.
Amnistiya qərarı silahlı basqın, silah və narkotik qaçaqmalçılığı, vətənə xəyanət, milli təhlükəsizlik əleyhinə, adam oğurluğu, zorlama, insan alveri, külli miqdarda dələduzluq, pul və qiymətli kağızların saxtakarlığı cinayətləri törədərək 5 ildən 15 ilədək azadlıqdan məhrum edilmiş şəxslərə şamil olunmur.
XS
SM
MD
LG