Accessibility links

Musa Bərzin: İran qanunları uşaq haqlarının pozulmasına zəmin yaradır [Audio]


Musa Bərzin Xəlifəli

Musa Bərzin Xəlifəli

Musa Bərzin Xəlifəli İranda uşaq haqlarının sistemli şəkildə pozulduğunu deyir. Amerikanın Səsi ilə söhbətdə güneyli vəkil şəriətə əsaslanan dini qanunun azyaşlıların, ələlxüsus qız uşaqlarının rifah halına zidd olduğunu vurğulayır.

İran İslam Respublikası BMT-nin Uşaq Hüquqları Konvensiyasını onun maddələrinin şəriət qaydaları və ölkənin daxili qanunlarına uyğun olması şərti ilə imzalamışdır. Bu şərtlər isə konvensiyanın əsas hədəflərini təsirsiz hala gətiribdir

“İranın qanunları uşaqların haqlarının əzilməsinə icazə verir və qanunda uşaqlara qarşı maddələr var,” deyə Türkiyədə mühacirətdə yaşayan vəkil İran qanunlarının şəriət qaydaları təməlində hazırlandığını və həmin qaydalara görə uşağın atasının mülkiyyətində olduğunu önə çəkir.

Güneyli hüquqçunun sözlərinə görə, “İran İslam Respublikası BMT-nin Uşaq Hüquqları Konvensiyasını onun maddələrinin şəriət qaydaları və ölkənin daxili qanunlarına uyğun olması şərti ilə imzalamışdır. Bu şərtlər isə konvensiyanın əsas hədəflərini təsirsiz hala gətiribdir.”

İranın şəriət qanunları azyaşlıların edamına icazə verir.

İranın şəriət qanunları azyaşlıların edamına icazə verir.

Musa Bərzin İran qanunlarının qız uşaqlarının erkən yaşda evləndirilməsi, uşaqların cismani cəzalara məruz qalması və işləməyə məcbur edilməsinə zəmin yaratdığına işarə edir. O, həmçinin İran İslam Respublikasının uşaqların edam edilməsinə icazə verdiyinə diqqət çəkir.

Uşaqların İran İslam Respublikasının zindanlarında müxtəlif çətinliklər və təhlükələrlə üzləşdiyini vurğulayan Bərzin Xəlifəli həbsxanalarda uşaqların narkotik maddələrə yaxın olduğunu və cinsi təcavüz hallarının müşahidə edildiyini dilə gətirir.

İranın qanunları uşaqların haqlarının əzilməsinə icazə verir və qanunda uşaqlara qarşı maddələr vardır.

Güneyli vəkil həmçinin İranda məktəblərin açılması və qeyri-fars uşaqların yenə də ana dilləri olmayan bir dildə təhsil almağa məcbur olduqlarını vurğulayaraq bunu uşaq haqları pozulmasına nümunə kimi dəyərləndirir.

Beynəlxalq qanunlarda uşaqların hərbi qruplara üzv alınmasının yasaq olduğunu önə çəkən Musa Bərzin İranda Bəsic (yarım-hərbi könüllü milis qüvvəsi) qüvvələrinin bir hissəsi olan “şagird bəsicin" fəaliyyət göstərməsinin beynəlxalq qanunlara zidd olduğunu bildirir.

XS
SM
MD
LG