Accessibility links

Hücuma məruz qalsa, İran İsraili vuracaq


Ayətulla Əli Xameneyinin yardımçısı Müjtəba Zolnur sözlərinə görə, yəhudi dövləti və ya onun müttəfiqləri İrana hücum etsə, Tehran Tel-Əvivin ürəyini vuracaq

İran ali dini lideri Ayətulla Əli Xameneyinin yardımçısının sözlərinə görə, İran hücuma məruz qalsa, İsrailə qarşı hava hücumu həyata keçirəcək. Yarı-rəsmi Fars xəbər agentliyi Xameneyinin İnqilabi Keşikçilərindəki nümayəndəsinə istinadən bildirib ki, yəhudi dövləti və ya onun müttəfiqləri İrana hücum etsə, Tehran Tel-Əvivin ürəyini vuracaq. Nümayəndə Müjtəba Zolnur oxşar açıqlamaları keçən ilin oktyabr ayında da vermişdi. Son aylar Tehran və Qərb qüdrətləri arasında İranın nüvə proqramı ilə bağlı gərginliklər artmaqdadır. Birləşmiş Ştatlar BMT-nin İrana qarşı yeni sanksiyalar tətbiq etməsi səylərinə rəhbərlik edir.

  • 16x9 Image

    Emil Quliyev

    Amerikanın Səsində 2007-ci ildən fəaliyyət göstərir. "Amerikana" proqramının təsisçisi və aparıcısı, "Amerika İcmalı" həftəlik televiziya proqramının baş prodüseridir.  Çoxsaylı siyasi, sosial və analitik müsahibə və reportajların müəllifidir.

XS
SM
MD
LG