İran Qırmızı dənizə sualtı qayıqlarını göndərib

İranın yarı-rəsmi Fars agentliyinin verdiyi məlumata əsasən, İran uzaq sualara ilk missiya çərçivəsində Qırmızı dənizə sualtı qayıq göndərib. Agentlik adının açıqlanmadığı rəsmiyə istinadən xəbər verib ki, rəsmi Tehran beynəlxalq sulara dair məlumat toplamaq və bu sularda üzən hərbi gəmiləri tanımaq məqsədilə öz sualtı qayıqlarını Qırmızı dənizə yollayıb. Məlumatda habelə bildirilir ki, sualtı qayıqlar Qırmızı dənizə çatmazdan Ədən körfəzinə qədər hərbi gəmilər tərəfindən müşayiət edilib. Qayıqların sayı barədə məlumat verilmir.