Accessibility links

RATİ İran səfirliyinin qarşısında piket keçirəcək


Fərid Hüseyn və Şəhriyar Hacızadə

Fərid Hüseyn və Şəhriyar Hacızadə

Piketin məqsədi ictimai diqqəti İranda həbsdə olan Azərbaycan şairlərinin məhkəməsinə yönəltməkdir

Reportyorların Azadlıq və Təhlükəsizlik İnstitutu (RATİ) avqustun 6-da İranın Azərbaycandakı səfirliyi qarşısında piket keçirəcək. Piketin məqsədi ictimai diqqəti avqustun 7-də İranda keçiriləcək Azərbaycan şairlərinin məhkəməsinə yönəltməkdir.

İnstitutun direktoru Emin Hüseynov Amerikanın Səsi radiosuna bildirib ki, piketin keçirilməsi ilə bağlı Bakı şəhər İcra Hakimiyyətinə müraciət edilib.

“Mayın 2-də Təbrizdə həbs edilmiş Azərbaycan şairləri Fərid Hüseyn və Şəhriyar Hacızadənin avqustun 7-də məhkəməsi keçiriləcək. Biz beynəlxalq təşkilatların və ictimaiyyətin diqqətini məhkəməyə yönəltmək məqsədi ilə dinc piket keçirəcəyik. Piketdə 50 nəfər jurnalist, hüquq müdafiəçisi və ədib iştirak edəcək”, - deyə o qeyd edib.
Azərbaycan vətəndaşları Fərid Hüseyn və Şəhriyar Hacızadə bu il aprelin 28-də Tehranda keçirilən şer festivalına dəvət alıb. Şairlər festivalda iştirak etdikdən sonra Azərbaycana qayıdarkən mayın 2-də Təbriz şəhərində mülki geyimli şəxslər tərəfindən həbs edilib. İran şairlərin ölkəyə qanunsuz gəldiyini bildirib, halbuki İran Azərbaycan vətəndaşları üçün viza rejimini birtərəfli qaydada ləğv edib.
XS
SM
MD
LG