Accessibility links

İŞİD İraq hərbi qüvvələrinin qərargahına hücum edib


İraq təhlükəsizlik qüvvələri ABŞ-ın başçılıq etdiyi koalisiyanın dəstəyi ilə İŞİD-lə cəbhə xəttində mövqelərini möhkəmlədir

İraq təhlükəsizlik qüvvələri ABŞ-ın başçılıq etdiyi koalisiyanın dəstəyi ilə İŞİD-lə cəbhə xəttində mövqelərini möhkəmlədir

Rəsmilərin məlumatına əsasən İslam Dövləti qrupunun militantları İraqın hərbi baş qərargahına hücum edərək səkkiz zabit və bir komandiri öldürüblər.

Əsgər forması geymiş dörd militant Bağdaddan 240 kilometrliyində yerləşən Ənbər vilayətindəki Hadisa qəsəbəsi yaxınlığında hərbi qərargaha hücum edib.

Hərbi rəsmilər deyir ki, onlardan biri üzərindəki bombanı qərargahın girişində partladıb. Digər üç şəxs isə baş qərargahın fərqli yerlərində partlayışlar törədib.

İslam Dövləti qrupu hücuma görə məsuliyyəti öz üzərinə götürüb. Qrupun onlayn açıqladığı bəyanatda hücumların Suriya vətəndaşı olan iki intiharçı tərəfindən törədildiyi deyilir.

İraq qəbillələrin üzvləri və təhlükəsizlik qüvvələri ABŞ-ın başçılıq etdiyi koalisiya qüvvələrinin dəstəyi ilə 18 aydır Hadisa qəsəbəsini İslam Dövləti qrupundan qroumağa çalışır.

XS
SM
MD
LG