Accessibility links

Amerikada ilk dəfə işsizlik səviyyəsinin endiyi müşahidə edilir. Lakin təhlilçilər hələ də əmək bazarının dirçələcəyinə bədbinliklə yanaşır.

Hökumətin bu gün açıqladığı hesabatında maliyyə yardımına müraciət edən işsizlərin sayının 35 min nəfər azalaraq, hazırda 353 min təşkil etdiyi bildirilir.

Əmək Nazirliyinin məlumatına görə isə, yeni iş yerlərinin açılması deyil, yay mövsümündə işlərin adətən azalmasındakı dəyişiklik bu göstəriciləri endirib.

Digər bir hesabatda davamlı məhsullara olan tələbatın 1.6 faiz artdığı deyilir. İnkişaf kompyuterlər və kommunikasiya avadanlığına olan tələbatın azalmasına baxmayaraq, mülki və hərbi təyyarələrin satışının artması ilə izah edilir.

Son hesabatlarda bildirilir ki, ABŞ-ın Mərkəzi Bankı gələn həftə iqtisadi artıma yardım etməklə yanaşı, 8.2 faiz təşkil edən işsizliyin azalmasına gətirib cıxara biləcək yeni siyasət açıqlamalıdır.
XS
SM
MD
LG