Accessibility links

İstanbulda törədilən terror hücumu dünya ölkələri liderlərinin qınağı ilə qarşılanıb.

Fransa prezidenti Fransua Olland terrorizmlə mübarizənin gücləndirilməsinə çağırıb. O, hücumu qəbuledilməz zorakılıq aktı kimi qiymətləndirib.

Terrorizm NATO-nun demokratiya, şəxsi azadlıq, insan hüquqları və qanunun aliliyi kimi dəyərlərinə hədə törədir

​ABŞ-ın Ankaradakı səfiri Con Bass Tvitter hesabında yazır ki, bu kimi hücumlara heç vaxt bəraət qazandırıla bilməz. Səfir ABŞ-ın terrorizmlə mübarizədə Türkiyə ilə çiyin-çiyinə dayandığını bildirib.

NATO-nun baş katibi Cens Stoltenberq qlobal terror təhlükəsinə qarşı Türkiyə ilə həmrəy olduğunu ifadə edib.

“Terrorizm NATO-nun demokratiya, şəxsi azadlıq, insan hüquqları və qanunun aliliyi kimi dəyərlərinə hədə törədir. Buna dözmək və ya bəraət qazandırmaq mümkün deyil”- deyə baş katib bildirib.

Avropa İttifaqının xarici siyasət şöbəsinin rəhbəri Federika Moqerini Türkiyəyə dəstəklədiyini deyib.

XS
SM
MD
LG