Türkiyə mətbuatı dekabrın 31-də Reina gecə klubunda 39 nəfərin ölümü ilə nəticələnən hücumu həyata keçirən şübhəlinin ələ keçirildiyi barədə xəbər verir.
Hürriyet qəzetinin verdiyi məlumata görə, Əbdulkadir Maşaripov bazar ertəsi İstanbulun Esenyurt rayonunda saxlanılıb. Ələ keçirildiyi zaman Maşaripovun oğlunun da onun yanında olduğu bildirilir.
Bundan əlavə şübhəlinin polis şöbəsinə aparılmasından öncə üzərində sağlamlıq testləri keçidildiyi barədə xəbər verilib.
