Accessibility links

Girov böhranı Yaponiyada hərbi xərclərə dair debata yol açıb


İslam Dövləti yaraqlılarının yapon girovlardan birinin başını kəsərək öldürməsi və ikinci girovu da öldürəcəkləri ilə hədələməsi ABŞ-la sıx dostluq münasibətləri saxlayan Yaponiyanın hədəfə çevrildiyinə işarədir.

Yaponiyanın Nazirlər Kabinetinin sədri Yoşihida Suqa deyib ki, onun hökuməti girov Kenzi Qotonun azad edilməsi üçün İordaniya hökuməti ilə yaxından iş aparır.

Bir tərəfdən hökumət girov böhranına işarə edərək göstərmək istəyir ki, Yaponiya xarici siyasətdə daha aktiv olmaldıır, Amma cəmiyyətdə çoxları bunun əksini düşünür.

Cənab Suqa deyib ki, insan həyatı Yaponiya hökuməti üçün prioritetdir və buna görə də Tokyo İordaniya hökuməti, qəbilə və dini liderlərlə birlikdə işləyir. Cənab Suqa onu da əlavə edib ki, Yaponiya İslam Dövləti militantları ilə birbaşa əlaqə saxlamayıb.

Müharibə müxbiri Kenzi Qotonu hələ də girov saxlayan İslam Dövləti yaraqlıları ikinci girov, təhlükəsizlik kontraktoru Haruna Yukavanın artıq başının kəsildiyini bildirib. Qrup hər iki girovun azad edilməsi üçün Yaponoyadan 72 saat ərzində 200 milyon dollar tələb etmişdi. Həmin vaxt yanvarın 23-ü başa çatdı.

Bazar günü İnternetdə isə Qotonun səsinin olduğu deyilən videoda yaraqlılar onu pul əvəzinə İordaniyada saxlanılan iraqlı Sacidə Əl-Rişavi ilə dəyişdirilməsini istədiklərini deyib. “Siz terrorçuları maliyyələşdirməli deyilsiniz, həbsdə olan Sacidə Əl-Rişavi bacını azad etməlisiniz.”

Sacidə Əl-Rişavi 2005-ci ildə Əmmanda ölümlə nəticələnən üç mehmandaxadan birində intihar hücumu həyata keçirmək cəhdində ittiham edilərək həbs edilib.

Yaponiya baş naziri Şinzo Abe

Yaponiya baş naziri Şinzo Abe

Yaponların girov götürülməsi baş nazir Şinzo Abenin ölkəsinin qlobal təhlükəsizlik sahəsində daha fəal iştirak edəcəyini planlaşdırdığını deməsindən sonra baş verib. Yaraqlıların 200 milyon dollar tələbi isə baş nazirin İraq və Suriyada İslam Dövlətinin nəzaqətindəki bölgələrdən olan qaçqınlara qeyri-hərbi yardım edəcəyinə söz verməsindən sonra olub.

Cənab Abe eləcə də, pasifist konstutusiyada ölkənin və vətəndaşlarının təhlükəsizliyini qorumaq üçün hərbi əməliyyatlara icazə verən dəyişikliklər həyata keçirməyə çalışır.

Tokyodakı Sofiya Universitetinin professoru silayı təhlilçi Koiçi Nakano deyir ki, girov böhranı yəqin ki, yapon cəmiyyətini bir qədər də qütbləşdirəcək.

“Bir tərəfdən hökumət girov böhranına işarə edərək göstərmək istəyir ki, Yaponiya xarici siyasətdə daha aktiv olmaldıır, Amma cəmiyyətdə çoxları bunun əksini düşünür."

Cənab Abeyə cəmiyyətdə dəstəyin geniş olmasına baxmayaraq bir çoxları hesab edir ki, ölkənin hərbi və diplomatik çəkisini artırmaqla baş nazir Yaponiyanı lüzumsuz təhlükələrə məruz qoyur.

XS
SM
MD
LG