Accessibility links

Azərbaycan həbsdəki jurnalistlərin sayına görə birinci onluğa daxildir


Həbsdə olanlar (kollaj)

Həbsdə olanlar (kollaj)

Ən çox həbsdə jurnalist olan ölkə Türkiyə, İran və Çindir

Dekabrın 18-də mərkəzi qərargahı Nyu-Yorkda yerləşən Jurnalistlərin Müdafiə Komitəsi 2013-cü ildə jurnalistlərin ən çox həbs olunduğu ölkələrin siyahısını açıqlayıb.

Siyahıya Türkiyə liderlik edir. Ölkədə 40 nəfər media işçisi həbsdədir. İkinci yerdə İran (35), üçüncü yerdə Çindir (32).Hesabata görə, dünya üzrə 211 jurnalist həbsdədir.
Azərbaycan ilk onluğa daxildir (Eritreya, Vyetnam, Suriya, Efiyopiya, Misir və Özbəkistanla birlikdə).

Komitə hesab edir ki, jurnalistlərin peşə fəaliyyətinə görə həbs edilməsi yolverilməzdir və ciddi narahatlıq doğurur.

Media İnstitutunun məlumatına görə, Azərbaycanda 10 jurnalist, 3 bloger həbsdədir.

Jurnalistlərin Müdafiə Komitəsi dünyada mətbuat azadlığını təmin edən müstəqil, qeyri-kommersiya təşkilatıdır.
XS
SM
MD
LG