Accessibility links

İxtira etdiyi "Kalaşnikov" - AK-47 silahının insan həyatına son qoymasında şəxsən özünü günahkar hesab edən Mixail Kalaşnikov ölümündən əvvəl narahatlıq hissi keçirib. Əfsanəvi AK-47 silahını yaradan Kalaşnikov Rusiya Ortodoks kilsəsinin başçısı Kirilə ölümündən 6 ay əvvəl məktub yazıb. Həmin məktun bu gün Rusiyanın gündəlik "İzvestiye" qəzetində dərc edilib.

Cənab Kaıaşnkov məktibda bunları yazıb: "Mənim mənəvi ağrım dözülməzdir. Mən bu cavabı tapılmayan sualı verməkdə davam edirəm: əgər mənim düzəltdiyim silah insanların həyatına son qoubsa, düşmən olsa belə, bu mənim günahımdırmı?".

"İzvestiye" qəzeti kilsə başçısının cənab Kalaşnikova cavab məktubu yazdığını bildirir. Cənab Kiril yazır ki, əgər silahdan vətən yolunda istifadə edilirsə, kilsə həm onu düzəldəni, həm də ondan istifadə edən əsgəri dəstəkləyir.

Cənab Kalaşnikov ilk dəfə kilsəyə 91 yaşında ikən girdiyini və çox gec xaçpərəst olduğunu yazır.

2013-cü ilin dekabr ayında 94 yaşında vəfat edən Kalaşnikov AK-47 silahını 1947-ci ildə, 20 yaşında ikən yaradıb.
XS
SM
MD
LG