Accessibility links

Kerri: ABŞ Rusiyaya qarşı daha ciddi sanksiyalar tətbiq etməyə hazırdır


ABŞ Dövlət katibi Con Kerri deyib ki, Rusiya Ukraynanın şərqində separatçı əhval-ruhiyyəni qızışdıraraq, hərbi müdaxiləyə bəraət qazandırmaq böhranlı vəziyyət yaratmağa çalışır.

Con Kerri ABŞ Senatının Xarici Əlaqələr Komitəsində çıxışı zamanı bildirib ki, Rusiyanın Ukraynanın əhalisinin əksəriyyətini rusdillilərin təşkil etdiyi üç bölgəsində iğtişaşların arxasında əli olduğu tamamilə aydındır. O, ABŞ prezidenti Barak Obamann Moskvanın Ukraynada sabitsizliyin yaradılması səylərini davam etdirdiyi halda, Rusiyaya qarşı daha ciddi sanksiyalar tətbiq etməyə hazır olduğunu deyib.

Con Kerri bildirib ki, Rusiyanın Ukraynanın Qərb və Şərq arasında körpü rolunu oynamasına imkan yaratmaq üçün beynəlxalq ictimaiyyətlə işləmək, ya da özünü təcrid edərək, öz hərəkətlərinin cavabını vermək kimi seçimi var.
XS
SM
MD
LG