Bu gün amerikalılar "Kolumb Günü"nü qeyd edir. 1492-ci ildə Xristofor Kolumbun gəmiləri Atlantik adalarının birinin sahilində yan alıb.
Amerika səfirliyi facebook səhifəsində yazır ki, Milad bayramı günündə onun flaqmanı sayılan Santa María gəmisi qayalara çırpılaraq dağılıb və Kolumb öz adamlarına həmin gəmini sökməyi və gəmilərin taxtalarından quruda qala tikməyi əmr edir.
Üç həftə sonra, Kolumb nəhayət hasara alınmış Villa de la Navidad kəndini və buranın sahilini kəşf etməklə qızıl toplamaq tapşırılmış 39 dənizçini arxada saxlayaraq Niña gəmisinə minir və evə yollanır. Bir il sonra geri qayıdanda, Kolumbun qalası artıq dağılmış vəziyyətdə idi və o, adada saxladığı adamlardan heç birini tapa bilmir.
O gündən etibarən, bir çox alim və macərapərəstlər tərəfindən La Navidad kəndinə aid olan qalıqların və qədim əşyaların axtarışı müvəffəqiyyətsizliklə bitib. Bu, Kolumba dair arxeologiya dövrünün böyük sirlərindən biri olaraq qalır!
