İkigünülük səsvermədə Kosovonun şimalında məskunlaşan serblər az qala yekdilliklə ölkənin alban hökumətini tanımaq barədə referendum ideyasını rədd ediblər.
Kosovonun serb elektoral komissiyası deyir ki, Kosovonun şimalındakı dörd serb icması içərisində seçicilərin 99ş7 faizi referendumun əleyhinə çıxıb.
Kosovo 2008-ci ildə müstəqillik qazanıdqdan bəri etnik serblər Priştinanın hakimiyyətini qəbul etməkdən boyun qaçırırlar.
Hüquqi çəkiyə malik olmayana səsvermədə 35,000 serb iştirak edib.
Kosovo əhalisinin 90 faizi albanlardır. Serbiya ilə sərhəd ərazilərdə isə daha çox serblər yaşayır. Kosovo sabah Serbiyadan ayrılmasının dördüncü ildönümünü qeyd edəcək.
