Qırğızıstan prezidenti Roza Otunbayeva deyib ki, Birləşmiş Ştatlar ölkədə ayrı-ayrı əks-terror mərkəzləri yaradacaq. Xanım Otunbayeva bu planlara razılıq verdiyini və Qırğızıstanın terrorizm məsələlərinə praqmatik yanaşmalı olduğunu deyib. Qırğızıstan lideri əks-terror məsələlərini bu yaxınlarda Birləşmiş Ştatlara səfəri zamanı ABŞ rəsmiləri ilə müzakirə etdiyini bildirib.