Bu gün Latviyada növbədənkənar parlament seçkiləri keçirilir. Seçkilər hakim mərkəz sağçı partiyanın hakimiyyətdə qalıb-qalmayacağını müəyyən edəcək. Yerli mətbuat səsvermə fəallığının oktyabr ayı seçkiləri ilə müqayisədə yüksək olmadığını bildirir.
Son rəy sorğularına əsasən Rusiya meyilli Harmoniya Mərkəzi Partiyası öndə gedir. İkinci yeri Birlik, üçüncü yeri isə korrupsiya əleyhinə olan İslahat partiyaları tutur. Lakin heç bir partiyanın parlamentdə əksəriyyət əldə edəcəyi gözlənilmir. Bunun üçün partiyalar koalisiya yaratmalı olacaq.