Accessibility links

Sakin su quyusu qazdırırmış, 6 metr 60 santimetr dərinlikdən su ilə birlikdə qaz da fışqırıb

Lənkəranda su quyusundan qaz da çıxıb və bir nəfər qazın təsirindən boğularaq ölüb.
Fövqəladə Hallar Nazirliyinin məlumatına görə, Tərlan Həmidov Lənkəran rayonu, İstisu qəsəbəsində vətəndaşa məxsus həyətyanı sahədə yerləşən yeni qazılan su quyusuna düşüb.
Bundan sonra, Tərlan Həmidov ev yiyəsi tərəfindən quyudan çıxarılıb. Həmin vaxt hər iki şəxs bayğın vəziyyətdə olduğundan Fövqəladə Hallar Nazirliyinin xilasediciləri onlara ilkin tibbi yardım göstərib. Lakin, Tərlan Həmidovun həyatını xilas etmək mümkün olmayıb. Onun quyudan çıxan qazın təsirindən öldüyü ehtimal edilir.
Məlumatda su quyusundan çıxan qazın xassələri barədə məlumat verilmir.
Öz növbəsində, Lənkəran rayon prokurorluğundan Amerikanın Səsi radiosuna bildiriblər ki, hazırda hadisə ilə bağlı araşdırma aparılır. “Yeni qazılan quyudan 6 metr 60 santimetr dərinlikdən su ilə birlikdə qaz da fışqırıb. Qazın təsirindən rayon sakini Tərlan Həmidov boğulub. Hazırda quyudan qaz çıxmaqda davam edir. Nümunələr götürüb, laboratoriyaya göndərilib”.
XS
SM
MD
LG