Accessibility links

Lətif Hüseynov Avropa İnsan Hüquqları Məhkəməsində hakim seçilib


Lətif Hüseynov

Lətif Hüseynov

Avropa Şurası Parlament Assambleyasının (AŞPA) payız sessiyası oktyabrın 11-də Lətif Hüseynovu Avropa İnsan Hüquqları Məhkəməsində Azərbaycan üzrə hakim seçib.

Lətif Hüseynov AŞPA üzvlərinin 134 səsini qazanıb. Azərbaycandan digər namizədlər Kəmalə Abıyeva 35 səs, Rövşən İsmayılov 9 səs toplayıb.

Hazırda Avropa Məhkəməsindən Azərbaycan üzrə hakim Xanlar Hacıyevdir. Onun mandatı başa çatıb.

Lətif Hüseynov mandatı yenilənməməklə hakim vəzifəsini 9 il müddətinə icra edəcək. O, vəzifəsinin icrasına üç aydan sonra başlayacaq.

Lətif Hüseynov 1964-cü il fevralın 1-də anadan olub. Hüquq elmləri doktorudur. Milli Məclisin Dövlət quruculuğu üzrə qanunvericilik şöbəsinin müdiridir.

XS
SM
MD
LG