Liviya lideri Müəmmər Qəzzafiyə sadiq qüvvələrlə üsyançılar arasında şimal-qərbi Nalut şəhərində silahlı toqquşma baş verib.
Üsyançılar atışma nəticəsində azı 8 adamın həlak olduğunu xəbər verirlər.
Bu arada NATO Lviya hökumətinin alyans hava zərbələrinin mülki vətəndaşları hədəf alması haqda iddialarını hədyan adlandırıb. Brüsseldə mətbuat konfransında çıxış edən koalisiya sözçüsü Oana Lungesku bildirib ki, Liviya xalqına sistematik şəkildə və qəddarcasına hücum edən cənab Qəzzafi və onun qüvvələridir.
Dünən xalqa ünvanladığı alovlu audio mesajda cənab Qəzzafi NATO-nu məğlub edəcəyini bildirib.
