Liviyanın şərqində yerləşən müxalifət qrupu Müəmmər Qəzzafi və onun ailəsinin böhranın diplomatik yolla həllində rolunu qəbul etmədiyini bildirir. Milli Keçid Şurasının sözçüsü Mustafa Geriani deyib ki, 41 illik avtoritat rejimin rəhbəri ilə heç bir razılıq əldə edilə bilməz. O, Qəzzafinin öz xalqını işgəncəyə məruz qoyduğunu, evlərini dağıtdığını, nəhayət azadlığı boğduğunu deyib. Mustafa Geriani geriyə dönüş olmadığını bildirib. Müxalifətin bəyanatı Tripoli hökumətinin yeni siyasi sistemlə bağlı müzakirələrə hazır olduğunu bildirməsindən sonra verilib.
Liviyanın müxalifəti Müəmmər Qəzzafi və onun ailəsinin böhranın diplomatik yolla həllində rolunu qəbul etmir
