Accessibility links

Bu, Malidə Ebola virusu səbəbilə qeydə alınan ilk ölüm halıdır

Malidə Ailəsi bu yaxınlarda Qvineyadan səfərdən qayıdan iki yaşlı qız Ebola virusundan vəfat edib. Ümumdünya Səhiyyə Təşkilatının hesablamalarına görə, indiyədək bu virusa yoluxan 10 min nəfərdən 5 mininin həyatını xilas etmək mümkün olmayıb.

Bu, Malidə qeydə alınan ilk eboladan ölüm halıdır. Ümümdünya Səhiyyə Təşkilatı bildirir ki, qız və onun ailəsi avtobusla Qvineyaya səfər edərkən çoxsaylı insana toxunub. Təşkilat Malidə başqa insanların da bu virusa yoluxa biləcəyi barədə xəbərdarlıq edib. Xatırladaq ki, Mali dünyanın ən kasıb ölkələrindəndir.

BMT səhiyyə təşkilatı bildirir ki, hazırki hesabata görə dünyada 10,141 Ebolaya yoluxma halı var və onlardan 4,922 nəfəri dünyasını dəyişib. Ölüm halları 8 ölkədə qeydə alınsa da, virus əsasən Qərbi Afrika ölkələrində yayılıb.

XS
SM
MD
LG