81 yaşlı azərbaycanlı şair Təbriz xəstəxanasına aparılıb
Satirik şerləri dillər əzbəri olan 81 yaşlı azərbaycanlı şair Marağalı Kəriminin Təbriz xəstəxanasına aparıldığı haqda məlumat verilib.
Maragali Kerimi
Şərqi Azərbaycanın Marağa şəhərindən olan şairin oğlu İran xəbər agentliklərinə verdiyi müsahibədə atasının sağlıq durumunun yaxşı olduğu və sadə bir əməlliyat keçirdikdən sonra evə dönəcəyini bildirib.
Marağalı Kərimi daha çox satirik şair kimi tanınsa da, onun mərsiyə və dini mövzularda yazdığı şer kitabları satirik əsərlərindən daha çoxdur. Türk və Fars dillərində yazan tanınmış şairin bu günə qədər 37 şer toplusu ışıq üzü görüb. Onun satirik şerlərinin çoxu altı cildlik məşhur Rəngarəng kitabında yayılıb.
