Dekarrın 25-də Bakı Ağır Cinayətlər Məhkəməsində “Zerkalo” qəzetinin əməkdaşı Rauf Mirqədirov son söz söyləyərək bəraət istəyib.
Təqsirləndirilən şəxs qismində çıxış edən jurnalist özünü irəli sürülən ittihamlarda təqsirli bilməyib və ittihamları əsassız adlandırıb.
R.Mirqədirovun vəkili Fuad Ağayev bildirib ki, məhkəmə müşavirəyə gedib və hakim məhkəmənin qeyri-müəyyən vaxta qədər təxirə salındığını deyib.
Vəkil Fuad Ağayev bildirir ki, Mirqədirov müdafiə çıxışında bəraət üçün əsasları sadalayıb.
Rauf Mirqədirov ötən il aprelin 19-da Türkiyədə saxlanılaraq Azərbaycana deportasiya olunub. Jurnalist Cinayət Məcəlləsinin 274-cü maddəsi ilə dövlətə xəyanətdə ittiham olunur.
Jurnalist ittihamı rədd edir və həbsinin siyasi baxışları, jurnalist fəaliyyəti ilə bağlı olduğunu bildirir.
Prokuror bundan əvvəlki prosesdə Raif Mirqədirova 7 il həbs cəzası istəyib.