Ev tapşırıqlarının və ya siniflərin olmadığı bir məktəb təsəvvür edə bilərsinizmi?
ABŞ səfirliyi Facebook səhifəsində bildirir ki, Kaliforniya ştatının Mountain View
şəhərində yerləşən Khan Lab özəl məktəbi bu orijinal təhsil üsulunu sınaqdan keçirən bir yerə çevrilib. 5-14 yaş arasında olan 95 uşaq məktəbdə öz hədəflərini təyin edərək, öz bacarıqlarına görə təlim alırlar.
Heç bir sinif və ya ev tapşırığı olmayan bu məktəbdə çoxlu qrup layihələri təşkil olunur. Şagirdlər yaş üzrə iki böyük otaqlara ayrılır və layihələr üzərində işləyərək müəllimlərdən şəxsi təlimatları alırlar.