Accessibility links

Meksika hökumətinin bildirdiyinə görə, ölkədə narkotik maddələr alveri ilə məşhur olan "Zeta" kartelinin başçısı həbs edilib. Kartelin başçısı Migel Ancel Trevinonun bazar ertəsi sərhəd Nuevo-Laredo şəhərində Meksika Dəniz Piyadaları əsgərləri tərəfindən ələ keçirildiyi deyilir.

Ləqəbi "Z-40" olan Trevino adam oğurlama, qətl və işgəncə daxil edilməklə, bir sıra cinayətdə ittiham edilir. 2010-cu ildə ölkənin şimalında 72 nəfərin qətlində də əli olan "Zeta" Meksikada uzun zamandır narko-kartellər arasında gedən mübarizədə iştirak edir.

Bundan əvvəl Birləşmiş Ştatlar Trevinonun ələ keçirilməsinə yardım edənə 5 milyon dollar vəd etmişdi.

Travino "Zeta" kartelinin başına keçən il sələfi Heriberto Laskanonun dəniz piyadaları ilə atışma zamanı öldürüldüyündən sonra gəlmişdi.
XS
SM
MD
LG