Demi Murun boşanma haqda ərizə verdiyi elan ediləndən sonra Eşton Kutçer sevimli Tvitterinə üz tutub. “Two and a Half Men” serialının ulduzu Demi ilə bərabər keçirdiyi günləri unutmayacağını, evliliyin həyatda ən çətin bir iş olduğunu və təəssüf ki, bəzən baş tutmadığını tvitterdə yazıb.
Hollivudun ulduzlarının evliliyi altı il davam edib. Boşanmaya Eştonun başqa qadınla münasibətləri səbəb olub. Kutçerin keçirdiyi hisslərlə Tvitterdə paylaşması qeyri-adi bir şey deyil. Hollivudda tivittersevərlər kimi tanınan Eşton və Demi sosial mediadan istifadə edərək, milyonlarla davamçıları ilə öz hissləri və fikirlərilə bölüşür.