Accessibility links

Minsk qrupunun həmsədrləri birgə bəyanat verib


Minsk qrupunun həmsədrləri birgə bəyanat verib

Minsk qrupunun həmsədrləri birgə bəyanat verib

Həmsədrlər Dağlıq Qarabağ münaqişəsinin nizamlanmasının Baza Prinsiplərinin yekunlaşdırılması və təsdiqi istiqamətində addımların müzakirə edildiyini bildirir

ATƏT-in Minsk qrupunun həmsədrləri Bernar Fasye, Robert Bradke və İqor Popov regiona səfərlə bağlı bəyanatla çıxış ediblər.

Bəyanatda bildirilir ki, ABŞ, Fransa və Rusiyanı təmsil edən həmsədrlər iyunun 6-dan 9-a qədər Bakı, Dağlıq Qarabağ və Yerevana səfər edib və səfir Andjey Kasprşiklə birlikdə Azərbaycan prezidenti İlham Əliyev, Ermənistan prezidenti Serj Sarkisyan və Qarabağın de-fakto rəsmiləri ilə görüşlər keçiriblər. Həmsədrlər Rusiya, Azərbaycan və Ermənistan prezidentlərinin qarşıdan gələn görüşünə hazırlıqlar məqsədilə mayın 26-da Rusiya, ABŞ və Fransa prezidentlərinin birgə bəyanatında deyildiyi kimi, əhatəli sülh sazişinin əldə olunması çərçivəsində Dağlıq Qarabağ münaqişəsinin nizamlanmasının Baza Prinsiplərinin yekunlaşdırılması və təsdiqi istiqamətində addımları müzakirə ediblər.

Sənəddə həmsədrlərin iyunun 7-də Ağdam regionunda cəbhə xəttini keçdiyi bildirilir və deyilir ki, vasitəçilərin əvvəlki 16 ildə dəfələrlə bunu etdiyi kimi, son 10 ayda üç dəfə xətti keçməsi tərəflərin 1994-ü ildə əldə olunmuş atəşkəsə əməl olunması işində əməkdaşlığa nail ola bilməsini nümayiş etdirir. Bunu nəzərə alaraq, həmsədrlər tərəfləri bu mühüm dövrdə danışıqlar prosesinə zərbə vura biləcək təxribat xarakterli hərəkətlərə və ya bəyanatlara yol verməməyə çağırır.

  • 16x9 Image

    Dilşad Əliyarlı

    Jurnalist və yazar Dilşad Əliyarlı 17 ildən artıqdır "Amerikanın səsi"ndə çalışır. Azərbaycan xidmətində televiziya proqramlarının yaradıcılarından biri olan Dilşad Əliyarlı "Amerika icmalı" proqramının redaktoru və aparıcısıdır. D.Əliyarlı ABŞ-dan Azərbaycan dilində yayımlanan ilk televiziya xəbər proqramının ilk aparıcısı olub. 

XS
SM
MD
LG