Bakı Şəhər İcra Hakimiyyəti Müsavat Partiyasının dekabrın 14-nə təyin etdiyi mitinqə icazə verib.
Müsavat Partiyası başqanının müavini Gülağa Aslanlı Amerikanın Səsinə bildirib ki, mitinq bazar günü saat 15-dən 17-dək “İnşaatçılar” metrosuinun yaxınlığındakı keçmiş “Məhsul” stadionunda keçiriəcək.
“Mitinqdə “İnsan haqlarını qoruyaq!”, “Siyasi məhbuslara azadlıq!” şüarları qaldırlacaq. 3 min insanın iştirakını planlaşdırırq”, Aslanlı qeyd edib.
O ,hər hansı qurumun xüsusi olaraq aksiyaya dəvət edilmədiyini bildirib.
“Biz bütün siyasi partiyaları, ictimai qurumları, QHT-ləri, gənclər təşkilatlarını və ümumilikdə bütün vətəndaşları mitinqə dəvət edirik. İnsan haqları fundamental dəyərdir və hər bir şəxs bu dəyəri müdafiə etməlidir”, Müsavat başqanının müavini deyib.