Accessibility links

Mixeil Saakaşvili: Avropanın təhlükəsizliyinin, dünyada azadlığın taleyi Azərbaycanda həll olunur (Video)


Gürcüstan prezidentinin fikrincə, Azərbaycanda sabitliyin pozulmasında maraqlı olan mənfi qüvvələr var

Azərbaycanda və regionda sabitliyin pozulmasında maraqlı olan şəxslər var, bu barədə bu gün Bakıda jurnalistlərə Gürcüstan prezidenti Mixeil Saakaşvili bildirib.

“Şişirtmədən demək olar ki, regionun gələcək taleyi Bakıda, Azərbaycanda həll olunur”, deyə Cənubi Qafqaz Forumunda iştirakı zamanı bildirib. Bu zaman o qeyd edib ki, söhbət təkcə Azərbaycanın deyil, həm də Gürcüstanın, Ukraynanın, Moldovanın və bütünlükdə postsovet məkanının müstəqilliyindən gedir.

Avropanın təhlükəsizliyinin, dünyada azadlığın taleyi Azərbaycanda həll olunur, deyə Saakaşvili bildirib.

Onun fikrincə, Azərbaycanda sabitliyin pozulmasında maraqlı olan mənfi qüvvələr var.

“Biz Gürcüstanda bunu öz nümunəmizdə gördük. Bu qüvvələr Azərbaycanın əldə etdiyi proqressin qarşısını almaq istəyirlər və buna nail olmaq üçün səy göstərəcəklər”, deyə Saakaşvili bildirib.

Onun sözlərinə görə, Azərbaycanın uğurları imperiya ambisiyalarından əl çəkə bilməyən qüvvələrə rahat vermir.

Qeyd edək ki, bir neçə ay əvvəl Saakaşvili Bakıdan Tbilisiyə qayıtdıqdan sonra Rusiyanın Azərbaycanda hakimiyyət dəyişikliyi hazırladığını bəyan etmişdi.
XS
SM
MD
LG